Sabtu, 07 Mei 2011

Acara Natal Ama HKBP Sukajadi Resort Sukajadi

Acara Natal Ama HKBP Sukajadi Resort Sukajadi
Distrik XXII Riau - Pekanbaru
Thema:  Jesus do Panondang ni portibi on (Joh 1: 9)
Sub Thema: Marhite Perayaan Natal Ama on tapatuduhon ma dirinta gabe Panondang di tonga-tonga ni keluarga, Huria dohot masyarakat.
I. PERSIAPAN PERAYAAN NATAL  
II. TATA IBADAH:
01. Prosesi diiringi Lagu “Bintang torang” (Diendehon Song Leader)   
1. Pandita HKBP Resort Sukajadi: Pdt. E. E. Siringoringo
2. Parjamita: Pdt. B. Siburian, MTh
2. Paragenda: Gr. L. Hutabarat
3. Ketua Dewan Koinonia: St. Drs. S. Samosir
4. Ketua Seksi Ama HKBP Sukajadi: St. B. H. Manullang
5. Organist: Ir. R.J. Lumbantobing
6. Sude Panitia Natal Ama HKBP Sukajadi
02. Kata Sambutan:
1. Ketua Natal Ama HKBP Sukajadi: M. Siregar
2. Bimbingan sian Pandita HKBP
    Resort Sukajadi: Pdt. E. E. Siringoringo
03. Marende No. 48: 1 + 5 “Ria ma hita sasude”
1. Ria ma hita sasude mamuji Debata, girgir ma parendenta be, ai i do na tama, ai ido na tama. Jongjong ma hita saluhutna.
5. Dibahen i las situtu do rohangkon nuaeng. Hujangkon Jesus i tutu, ai sonang au dibaen, ai sonang au dibaen.  
04. Votum - Introitus - Tangiang: (L=Liturgis, H=Huria, S=Sude; SL= Song Leader)
L:  Marhitehite goar ni Debata Ama, AnakNa Tuhan Jesus Kristus, dohot Tondi Parbadia na manompa langit dohot tano on. Amen. Ho do ale Jahowa, dihalungunhon rohangku. Ale Debatangku, marhaposan tu Ho do ahu, sai unang paila ahu, asa unang marsuraksurak angka musungku mida ahu.
H: Ndang tahe tagamon tarurak manang ise sian angka na manghaposi Ho, ale Jahowa. Sai pabotohon ma tu ahu angka dalanMu, jala ajarhon tu ahu angka bogasMu. Sai togutogu ma ahu tu bagasan hasintonganMu, jala ajari ahu, ai Ho do Debata ni hatuaongku, Ho do na huhaposi ganup ari.
L:  Magira ma Ahu ro. Tiop ma na di ho nuaeng, asa unang adong na mambuat tumpalmi.
S:  Gabe Daging ma Hata i jala maringanan di tonga-tonga ni hita on, jadi huida hami ma hasangaponNa, i ma hasangapon ni Anak sasada na sian Ama i, gok asi ni roha dohot hasintongan.
L:  Martangiang ma hita: Ale Amanami na banuaginjang! Na so marmula jala na so marpansohotan, Debata na manongtong ro di saleleng ni lelengna! Asi ni rohaM sambing do napasadahon hami Parhalado rap dohot Ruas Ama nang keluarganami pe rap marlas ni roha di tingki on manghalashon ari hatutubu ni AnakMu Jesus Kristus Tuhannami. Marhite perayaan Natal on, sai lam pahinsa ma roha dohot tondinami patulushon lomo ni rohaM di tonga-tonga ni HuriaM HKBP Sukajadi on. Urupi jala pargogoi ma hami manjangkon hatutubu ni AnakMu Tuhan Jesus Kristus Sipalua i. Amen! Hundul
05.  K O O R: NHKBP Sukajadi
06.  Marende BE. No. 608:1+ 4 “O Betlehem na metmet i”  
     1. O Betlehem na metmet i boasa modom ho, humirdophirdop bintang i hohom marnida ho. Alai ro sian ho do Panondang na tongtong na pinarsinta na sai laon sorang di borngin on.
     4. O Anak na badia i, ro Ho tu hami be, bongoti daging tondi i, parbadiai sude. Barita na ummuli, hutangi hami be. Sorang ma Ho dingolungki, Ale Immanuel.
07. Liturgi I:  Na marlas ni roha do hita di tingki on manghalashon ari hatutubu ni Tuhan Jesus. Mansai denggan do molo jumolo taparrohahon manang songon dia pangaradeonta di na manghalashon hatutubu ni Tuhanta Jesus di Pesta Natal on. Ndang be gumodang pangaradeonta di ngolu pardagingon, alai naeng ma gumodang pangaradeonta di ngolu partondion, i ma rohanta sandiri na olo marhatopothon: IMMANUEL, na marlapatan: DONGANTA MA DEBATA. (Utusan Koor Ama Sion HKBP Sukajadi)
08. K O O R: Ama Jeriko HKBP Sukajadi
09.  Marende BE No. 591: 2 – 3 ” Boru Sion Las roham”  
       1. Anak Daud ro ma Ho! Pasupasu bangsoMon, harajaonMu hot tongtong dame ma di tano on, hosianna ro ma Ho! Pasupasu bangsoMon.
       2. Hosianna ro ma Ho! Masuk Ho tu rohangkon, baen mardame tondingkon lao manjangkon haroroM. Anak Daud ro ma Ho! Masuk Ho tu rohangkon.
10. Liturgi II: Ditatap Debata do pardangolan ni bangsoNa: Songon na tangkas taboto, na masa do pardangolan bolon di bangso ni Debata di tingki hatutubu ni Tuhan Jesus i. Di tonga-tonga ni parungkilon bolon i, di gohi Debata do baga-bagaNa marhite na mangalehon AnakNa Jesus Kristus hangoluanta i, tubu sian sada na marbaju na so habubuhan, disi ma dipasaut Debata padanNa maradophon halak na pinillitNa, asa dipalua bangsoNa sian pardangolanna be.  (Utusan Koor Ama Exaudi HKBP Sukajadi)
11.  K O O R: Gabungan Ina HKBP Sukajadi.
12. Liturgi III: Ndang lomo roha ni Debata laos mago jolma i di bagasan dosana, ingkon paluaonNa do jolma i, marhitehite asi dohot holong ni rohaNa asa mangolu di adopan ni Debata. (Utusan Koor Ama Jeriko HKBP Sukajadi)
1. Dipahot Debata do padanNa i marhite na mangalehon Harajaon na hot ro di saleleng-lelengna. Na di mulai marhite hatutubu ni Tuhanta Jesus Kristus. Ai ingkon tubu Tuhan Jesus hombar tu boa-boa ni suru-suruan Gabariel sian keluarga ni si David naposoNa i.
2.  Dihalomohon Debata do tatanan kehidupan na denggan di ngolu ni halak na porsea di Ibana: Ndang ringkot di roha ni Debata, pagodanghu angka teori-teori manang holan hata, alai ingkon sahat do tu na mangulahonsa. Mansai arga situtu do poda on, na mandok: “Donganta ma Debata”. I do tutu, molo Debata donganta ise be alonta? (Rom 8: 31).
3.  Sai olo ma hita mangalehon ngolunta di dongani Debata: Molo taparrohahon ngolu ni jolma nuaeng, di sada pihak lam tu sursarna do, lam so haposan do jolma di janji, lam so parduli tu pandonganion ni Debata, lam masibahen lomona be, lam tu ngalina do parsaoran dohot holong ni roha. Lapatanna: Nunga lam torop jolma na so parduli tu pandonganion ni Debata, buktina, lam torop do jolma na marginjang ni roha dohot na so parduli tu donganna, i ma tandana, naung lam tu maolna do nuaeng jolma porsea di pandonganion ni Debata.
4.  Halak na marparange, na marroha, i ma halak na rade mangkoreksi hahuranganna sandiri. Angka na so marparange, angka na so marroha, i ma na so olo manghilalahon hinaringkot ni na mamarangehon pandonganion ni Debata.
5.  Apala rohanta sandiri do na ingkon sipatureonta, asa rade marparange hombar tu pandonganion ni Debata. Mansai godang dope sipaulion di dirinta be, anggiat unang tardapot hita pardosa, na sai marlomolomo di haroro ni Mesias Tuhanta i.
6.  Asa, ianggo tugas na parjolo di hita na marlas ni roha di hatutubu ni Tuhan Jesus di tingki on, i ma: Parade diri do marparange hombar tu pandongani on ni Debata. Ianggo di ngolu ni halak na porsea, holong ni roha do pandonganion ni Debata. Aha do lapatan ni on di ngolunta?  
7.  Rade ma hita mambahen daftar ni dosanta sandiri maradophon Debata, maradophon pardijabunta, maradophon natorasta, maradophon ianakhonta, maradophon hombar bagasta. Godangna i hape nahumurang tabahen mar-adophon nasida. Nuaeng, ingkon solsolanta ma sude dosanta, songon tanda ni naung marparange hita hombar tu uhum ni Debata. Antong! Tatopoti ma dosanta tu adopan ni Debata Pardenggan basa i.
13.  Koor: Keluarga Eirene HKBP Sukajadi
14. Marende BE No. 51: 2+7 “Tole Puji ma” (Satonga soara)
 2. Dosa dohot hamatean, bolis dohot hamagoan, talu ala naung diboan Jesus hangoluanta i. Jongjong
 7. Asa di joloM ma hami mangendehon endenami raphon angka dongannami angka pardisurgo i.  
15.  Liturgi IV: Manopoti dosa - baga-baga ni Debata:
L: Hamu angka haholongan! Didok Hata ni Debata di 1 Johannes 2: 1 - 2:“Molo tung adong manang ise na mardosa, adong do pangondianta di Ama i, i ma Tuhanta Jesus Kristus na tigor roha i. Jala Ibana do Pardengganan taringot tu dosanta, alai ndada holan taringot tu dosanta, dohot do taringot tu dosa ni saluhut portibi on”. Antong! Sian nasa unduk dohot serep ni rohanta tatopoti ma dosanta tu Tuhanta Pardenggan basa i.
        Sude Parhalado:         
        Ale Tuhan! Ro do hami marsomba tu adopanMu na badia i. Laho patedekhon sude arsak ni rohanami. Namanghirim do hami di hasesaan ni dosanami na godang i, jala masihol situtu do hami di holongMu na so halompoan i. Huongkui hami do, mansai gale do hami pasauthon ulaon na pinasahatMi tu hami manghobasi HuriaM, ndang huhatindanghon hami hasintonganMu, gabe jotjot gale nang HuriaM. Sai unang tulak hami ale Tuhan, sai sesa ma sude dosa nang hahurangannami.
      Sude Ruas Ama:
        Ale Tuhan! Hutopoti hami ma luhutna dosanami. Sai tatap ma pardangolan dohot hagaleonnami. Ndang huulahon hami Ha-Ama-onnami hombar tu lomo ni rohaM. Ndang hupatulus hami na tinonahon ni HataM na badia i di tonga-tonga ni keluarganami nang di tonga-tonga ni HuriaM. Ala ni, ro ma hami nuaeng tu adopanMu mangido hasesaan ni dosanami.
Sude Ina: 
Molo marningot hami di HataM dohot bagabagaM na sumurung i, tama situtu do hona uhumMu hami, ai jotjot do hulaosi hami PatikMu dohot HataM na badia i. Hurang do hulehon hami rohanami mangulahon ha-Ina-onnami patu-duhon holong ni rohanami tu Ho. Sai patau ma hami mandasdas angka Ama mandohoti Partangiangan nang Parmingguan pe. Ale Jahowa sai tatap ma pardangolannami, sai paimbaru ma panghirimonnami jala pahot haporseaon-nami tu Ho. Sai sesa ma dosanami na godang i.
S: Mangendehon BE 53: 3 – 4 “Di Betlehem” (Satonga soara)
3. Sai naeng haholonganku Ho ale Tuhanki. Nang marsak las rohangku, ingkon lam ganda i. Olo, olo ingkon lam ganda i.
4.  Burju naeng lehonongku di Ho rohangkinon. Asi rohaM Tuhanku, urupi au tongtong. Olo, olo urupi au tongtong.
L:  Hamu angka dongan! Tajalo ma Hata ni Debata ojahan ni las ni rohanta manghalashon hatutu ni Tuhanta Jesus: Ai songon on do holong ni roha ni Debata di portibi on, pola do AnakNa na sasadai dilehon asa unang mago ganup na porsea di Ibana, asa hangoluan na saleleng ni lelengna di ibana.  Hasangapon ma di Debata na di banua ginjang. Amen. Tajangkon jala tahangoluhon ma Hata ni Debata naung pinasahatNa tu hita bahen hangoluanta. Tapatuduhon ma naung taolophon hasesaan ni dosanta, marhite na marsitutu hita mangendehon: Las ma roham Tuhanta ro......! 
       S:  Mangendehon BE No 605: 1 + 3 “Las ma roham Tuhanta ro”
1. Las ma roham Tuhanta ro, gumomgom sasude, ungkap roham, jangkon Rajam. Marende ma sude, marende ma sude, marende, marende ma sude. Hundul
3. Bura binaen ni dosa i, marujung ma disi, ai nunga ro Mesias i, mamboan dame i, mamboan dame i, mamboan, mamboan dame i.
16. Liturgi VA: Ingkon saut do baga-baga ni Debata jaloonta di ngolunta. Laho pahinsahon rohanta manghaporseai Ibana, huhut mangalehon tumpal hangoluan dohot las ni roha di hita mangoloi Ibana ganup ari. (Utusan Wijk I6C, 10).
1. Jesaya 61:1 - 2:                                2. Sakaria 9:9:      
3. Maleaki 3:1:                                     4. Matius 1:23:     
5. Jesaya 54: 10:                                  6. Jeremia 23: 5 – 6: 
       Liturgi VB: ( Utusan Wijk 16B, 8A)
1. Lukas 1:26:                                       2. Lukas 1:27:   
3. Lukas 1: 28:                                      4. Lukas 1: 29: 
5. Lukas 1: 30:                                       6. Lukas 1: 31:
17. K O O R: Ama Sion HKBP Sukajadi
18. Liturgi VI: Sai olo ma hita mangolu dibagasan pandonganion ni Debata: Ciri ni ngolu ni jolma na so olo manjalo pandonganion ni Debata, jonok do i tu ngolu na sai berusaha mangalo lomo ni roha ni Debata, jala sai berusaha manegai na denggan. Asa, molo taida, manang tahilala di tonga-tonga ni parsaoranta siganup ari, adong halak na so parduli tu hasadaon dohot harentaon, tanda ni na lam manggasa do angka halak sialo lomo ni roha ni Debata disi. (Wijk 12A– 12B).
1.  Hamuna angka dongan sahaporseaon! Molo pe lam torop halak na so parduli tu uhum ni Debata, alai ianggo hita, unang ma tarela tusi, jala unang ma lam sumurut semangatta mangoloi Debata. Ai tusi do hita tarjou.
2.  Sada sian sikap haKristenonta di tingki na parpudi on, i ma: Mura mandele, mardandi, marungut-ungut dohot manarita. Lumobi molo ndang hatop saut napinangido ni rohanta. Disi tadok, disi ma nian pintor saut. Disi tapangido, disi ma nian pintor dilehon. Tung so sanga be hita paimahon nanggo sangombas. Sude naeng hatop. Holan diaduk larut. Songon i ma jotjot parrohaon ni jolma di portibi on.
3.  Ingkon benget do hita mangadopi angka na masa di portibi on, togu marhaporseaon, jala manongtong martangiang. Ai ganup halak na so manghalomohon hadameon, hademahon, angka i do halak sialo lomo ni roha ni Debata, jala ndang sabar nasida paimahon pangurupion ni Tuhanta i na paluahon ibana sian ragam ni hasusaan di ngolu on, ujungna madabu ma jolma i tu ginjang ni roha.
4.  Molo pe torop jolma ndang parduli di sangkap haluaon napinatupa ni Tuhanta i, alai ianggo hita, tapatuduhon ma ngolunta ganup tingki halak na masihol di haluaon i.
5.  Molo dipahot Debata padan pardamean i di ngolu ni bangsoNa, adong do sangkap na pasti na ingkon tercapai, ingkon sahat do haluaon i tu halak parbegu, ai dohot ma nasida mananda haluaon i, jala diboto parbegu: ”Debata do na pabadiahon hita, Debata do haporusan dohot pargogonta, ndang adong na asing”. Alai boha ma asa saut on jaloonta? Tapaloas ma Debata mian di di rohanta jala Ibana ma na mangarajai ngolunta mangulahon hataNa nabadia i.    
19. Marende BE No. 56: 3“Sai roma hamuna”
     O Jesus Tuhanku sai naeng pujionku pambaenMu di ahu pardosaon on. Ai gabe jolma Ho humophop ahu. Tasomba ma Ibana, tasomba ma ibana, tasomba ma Ibana Rajanta.  
20. Liturgi VIIA: Nuaeng, tajangkon ma hatutubu ni Tuhanta Jesus Sipalua i. Ibana ma gogonta mangula angka siulaonta siganup ari, ai na tau hangoluanta do Ibana umbahen na ro tu portibi on. (Utusan Wijk 8B, 9).
1. Lukas 1:33 :                                    2. Lukas 1: 34:
3. Lukas 1:35:                                     4. Lukas 1:36:
5. Lukas 1: 37:                                    6. Lukas 1: 38: 
       Liturgi VIIB: (Utusan Wijk 6, 17)
1. Lukas 1: 46 - 47:                               2. Lukas 1: 48 - 49: 
3. Lukas 1: 50 - 52:                               4. Lukas 1: 53 – 54:
5. Lukas 2: 1 – 3:
21. Liturgi VIIIA: Nunga tubu Jesus Sipalua i laho patupa hangoluanta, tubu do Ibana di inganan haleaon di bara ni pinahan di huta Betlehem. Tahangoluhon ma hatutubu ni Jesus Tuhanta i. (Utusan Wijk 16A,  11)
1. Lukas 2:4:                                        2. Lukas 2: 5:
3. Lukas 2: 6:                                       4. Lukas 2:7:
5. Lukas 2: 8:                                       6. Lukas 2:9:
7. Lukas 2: 10 - 11:                               8. Lukas 2:12 - 13:
9. Lukas 2:14 :
Liturgi VIIIB: (Utusan Wijk 1, 4)
1. Lukas 2:15 - 19:                      2. Lukas 2: 20 - 24:                  
3. Lukas 2: 25 – 30:                     4. Lukas 2:31 – 33:           
5. Lukas 2: 34 - 35:                     6. Lukas 2: 52:  
22.  Marende No. 54:1 – 2 “Sonang ni bornginna i”  
(Jongjong ma hita saluhutna):
1. Sonang ni bornginna i, uju ro Jesus i. Sonang modom do halak sude. Holan dua na dungo dope, mangingani AnakNa Jesus Tuhanta i.
2. Denggan ni bornginna i, uju ro Jesus i. Tu parmahan di Betlehem i, dipaboa na di surgo i: Nunga ro Sipangolu, Jesus Tuhanta i.
(Ditingki marende hita, ro ma tu jolo angka na pagalak lilin. Ganup pagalakhon lilin, didok ma hata laho pahehehon semangat di hita marhaporseaon, marholong ni roha, marhasadaon di tonga-tonga ni Huria HKBP Sukajadi on).
1. Pandita HKBP Resort Sukajadi: Pdt. E. E. Siringoringo
2. Parjamita: Pdt. B. Siburian, MTh
3. Paragenda: Gr. L. Hutabarat
4. Dewan Koinonia HKBP Sukajadi: St. Drs. S. Samosir
5. Mewakili Parhalado HKBP Sukajadi: St. M. Silalahi
6. Ketua Seksi Ama HKBP Sukajadi: St. B. Manullang
7. Mewakili Panitia: M. Siregar
8.  Mewakili Seksi Parompuan HKBP Sukajadi: Ny. Napitupulu Br.Nainggolan
(Dung sidung dipagalak lilin, jongjong dope hita saluhutna, laos diuduti ma dohot tangiang pangondianon sian Parhalado HKBP Sukajadi)
23. Marende BE No. 54: 3“Sonang ni bornginna i”  
Godang ni tua disi di na ro Jesus i. Tung malua pardosa muse, sian hamagoanna sude. Ala ro Sipangolu Jesus Tuhanta i.  Hundul
24.  K O O R: Ama Exaudi HKBP Sukajadi
25.  Liturgi IXA: Nunga tubu Tuhanta di tonga-tonganta. Tutu ma Ibana tubu tu rohanta, marhite hataNa naung sahat tu hita be. Ala ni patut do tasomba Ibana, asa gabe parjambar hita di hatutubuNa dohot di hangoluan sogot i. ( Utusan Wijk 5, 7)
1. Johannes 3: 16:                       2. Joh 6: 29:
3. Rom 3: 3:                                4. Heber 11: 6:  
5. Johannes 20: 29:                     6. Rom 10: 10:
7. Rom 10: 11:                  
       Liturgi IXB: ( Utusan Wijk 2, 13A)
1. Rom 5: 1:                            2. Psalm 118: 24:    
3. Psalm 118: 25:                     4. Psalm 118: 26:
5. Psalm 118: 27:                     6. Psalm 118: 28:    
7. Psalm 118: 29: 
26. Marende No. 58: 4 “ Martumbur tungkotungko” Bl. 123
       Pinuji ma Jahowa na Asi roha i. Dilehon do AnakNa, hangoluanta i. Girgir ma hita on mamuji Debatanta, ala basaNa inon.
27. Liturgi X: Tama do pujionta Debata ala naung tubu Jesus napatupa hango-luanta, jala nunga dilehon Ibana na tau parjambaranta. (Utusan Wijk 3,13B, 14)
       1. Psalm 30: 5:                            2. Psalm 34: 4:
       3. Psalm 47: 7:                            4. Psalm 103: 1 - 3:  
       5. 1 Korint 1: 7:                          6. 1 Korint 1: 8:  
       7. 1 Tess 3: 12 - 13:                    8. 1 Joh 3: 1 - 2:
9. Joh 1: 12:                                 
28. Liturgi XI: Tapatuduhon ma Tohonan ha-Ama-onta ditonga-tonga ni keluarga nang parsaoran siganup ari, ala naung tubu Jesus Tuhanta i di rohanta. (Utusan Panitia Natal Ama HKBP Sukajadi)
1. Epesus 5: 25 – 26;                             2. Epesus 5: 27 – 28:
3. Epesus 5: 29 – 30:                    4. Epesus 5: 31 - 33:
5. Ul. Apostel 10: 24:                            6. Epesus 6: 4:
7. 1 Korint 7: 8 - 9:                      
29. Koor: Gabungan Ama HKBP Sukajadi: ”Idama tahe dengganna i”
30. Mangendehon PBSR 568A “Kusiapkan hatiku Tuhan”
 1. Kusiapkan hatiku Tuhan, ‘tuk dengar FirmanMu saat ini; Kusujud menyembahMu Tuhan dalam hadiratMu saat ini. Curahkan urapanMu Tuhan bagi JemaatMu saat ini. Kusiapkan hatiku Tuhan ‘tuk dengar Firmanmu. FirmanMu Tuhan tiada berubah, dahulu sekarang selama-lamanya tiada berubah; FirmanMu Tuhan Penolong hidupku, kusiapkan hatiku Tuhan ‘tuk dengar FirmanMu.
 2. Huparade diringkon Tuhan tumangihon HataMi, di tingki on. Hupaunduk rohangkon Tuhan bongot tu rohaMi, di tingki on. Sai usehon ma pasupasuM tu sude na pungu on di tingki on. Huparade diringkon Tuhan tumangi HataMi. HataMi Tuhan, HataM na na manongtong na jolo nang nuaeng, arian borngin pe ndang dung maruba. HataMi Tuhan Hata Hangoluan. Huparade diringkon Tuhan tumangi HataMi.
31. Jamita:                                                                                                                      
32. Marende BE 62: 1.... ”Halalas ni roha godang”         (Papungu Pelean)
1. Halalas ni roha godang, na hubaritahon on, Nunga tubu Sipalua di hita jolma on.
Ref. Hasangapon di Debata, laos dame, dame dame ma di jolma. Lomo ni roha ni Debata do hita jolma on.
2. Tuhan Jesus hadomuan na disuru Debata, na pasaehon sude dosa di dolok Golgata. Hasangapon di Debata......
3. Sai sondangi ma rohangku, ale Tuhan Jesus i, asa dohot au maruli di hatutubuMi. Hasangapon di Debata......
4. Halalas ni roha godang sai songgopi rohangki. Asa dohot au ummalo, mamuji goarMi. Hasangapon di Debata.........
33. Tangiang Pelean- Ale Amanami - Pasupasu! Amen 3 X
III. PERAYAAN NATAL SEKSI AMA HKBP SUKAJADI:

  Selamat hari Natal, 25-26 Desember 2010
Dan
Selamat Tahun Baru, 01 Januari 2011. Syalom! 

Tidak ada komentar:

Posting Komentar