Sabtu, 07 Mei 2011

ACARA PARTUMPOLON (PERJANJIAN NIKAH)

 ACARA PARTUMPOLON (PERJANJIAN NIKAH)
Di HKBP Sukajadi Resort Sukajadi Distrik XXII Riau Pekanbaru 
Dipasada dibagasan Kristus Tuhan Sipangolu hita!
01. Marende No. 15: 1 + 4 “Aut Nasaribu haliganda”
1.  Aut nasaribu hali ganda, saringar ni soarangki. Naeng nasa gogo bahenonku, mamuji Debatanta i. Paboa las ni rohangki, hinorhon ni pambaenNai. ~~~Jongjong~~~~
4.    Mauliate ma rohangku di Ho, o Debata tongtong. Dibaen sude denggan basaMu, naung nilehonMu di au on. Ai dipatongon Ho tongtong, sude na ringkot di ahu on.
02. Votum – Introitus – Tangiang:
(Hatorangan: L: Liturgis; A= Ama; I= Ina; S= Sude)
L:    Marhitehite goar ni Debata Ama, AnakNa Tuhan Jesus Kristus dohot Tondi Parbadia, na manompa langit dohot tano on. Amen. Ale Jahowa sai Ho do haporusan nami marsundut-sundut. Sai manatap do mangaranapi do matangku dompak Ho, ale na marhabangsa di banua ginjang.
A:    Marhaposan tu Jahowa ma hita sian nasa rohanta jala unang marpangunsandean hita tu pingkiranta sandiri, sai Ibana ma tanda di nasa dalanta, asa Ibana  patigor angka dalanta. Ai pasupasu ni Jahowa do mambahen mamora jala ndang mardongan hangoluton dibahen.
L:    Martua ma baoa na marhaposan tu Jahowa, jala Jahowa haporusanna dibahen. Sai diajari Jahowa ma hita mangula-hon lomo ni rohaNa, ai Ibana do Debatanta, tondiNa na denggan i ma manogihon jala mangaramoti hita di tano na homop.
I:     Godang ma tongon nabinahen ni Jahowa tu hita, jadi marhiras ni roha ma hita disi. Sai jumolo ma talului Harajaon ni Debata dohot hatigoranNa dungi tambahonon-a ma sude angka ondeng tu hita.
L:   Idama, pangarimpunan ni na denggan naung huida i: Lehet do mangan minum jolma i jala dipasonang rohana mang-ihut-ihut sandok ulaonna hian na niulana di hasiangan on saleleng di ngoluna, na nilehon ni Debata tu ibana; ai i do jambarna.
Sude:    
Angkup ni i, molo dilehon Debata tu manang ise jolma hamoraon dohot sinamot, diloas ibana mangan dohot mambuat jambarna sian i, huhut marlas ni roha diulaonna, silehon-lehon ni Debata do i.
L:   Ai ndang sadia dipaingot-ingot rohana angka ari ni ngoluna, ala naung nialusan ni Debata ibana marhite sian las ni rohana.
PANGOLI DOHOT OROAN:
       Ianggo ahu dohot donganku sajabu, ingkon Jahowa do oloan nami tujoloanon.
L:    Hasangapon ma di Debata Ama, AnakNa Tuhan Jesus Kristus, dohot Tondi Parbadia.
S:     Amen. ~~~~ hundul ma hita ~~~~
Diboto Debatanta i na denggan i di hita; Na so tagamon baenon ni na so ture tu hita. Dibahen i di rohangki, denggan do unduk hita di Hata ni Tuhanta.
L:    Hamuna angka dongan sahaporseaon! Nuaeng tabege ma dijahahon ianakhon ni Hurianta si dr. Rudi Adil Paruhuman Tampubolon dohot Nurida Eva br. Tamba isi ni Parpadanan siundukhononnasida sadari on di adopanta. Tapaihut-ihut ma.
PANGOLI DOHOT OROAN:
Sadari on, ari Sabtu, Tgl. 07 Mei 2011, huundukhon hami ma parpadanannami songon on:
1. Pangoli dohot oroan.
2.  Natoras ni pangoli dohot oroan.
3.  Saksi sian pihak paranak dohot parboru.
4.  Mewakili Sintua Wijk sian paranak dohot parboru.
5.  Napatumpolhon.
L: Hamu angka dongan sahaporseaon, lumobi ma hamu na dua: dr. Rudi Adil Paruhuman Tampubolon dohot Nurida Eva br. Tamba, nunga marpadan hamu di adopan ni Tuhanta na pasadahon hamu na dua marhite Parhalado ni HuriaNa, diadopan ni natorasmuna nang dongan sahapor-seaonmuna pe naeng pajongjonghon pardongan saripeon-muna. Mansai arga do parpadanan on; ndang holan di hita jolma i arga, alai dohot do di jolo ni Debata. “Hori do ihot ni doton hata do siingoton; Togu urat ni bulu toguan urat ni padang; Togu niihot ni uhum toguan do niihot ni padan”.
NATORAS DOHOT UNDANGAN: 
     Dibahen i, ramoti jala ulahon hamu ma padan naung niundukhonmuna; tung unang adong sian hamu silaosi padan, asa dipasupasu Tuhanta parsaripeonmuna di ari-ari ni ngolumuna.
PANGOLI DOHOT OROAN:
     Sai dipargogoi Tuhan Debata ma hami maniop padan naung hupadanhon hami sadari on, sai unang ma tutu adong sian hami na manimbil jala siose padan, asa mardalan parsari-peonnami sahat ro di ujungna dibagasan hadameon.
L: I ma tutu ale Tuhan, patulus ma pardongansaripeon nasida tu joloan on.
07. Marende No. 701:1 - 2 “Tu Ho do au marpadan”
Ida ma, Debata do hatuaonku, Ibana huhaposi, jadi ndang mabiar ahu, ai Tuhan Jahowa do hagogoonku dohot pujipujianku dohot manjadi hatuaon di ahu. - Sungguh, Allah itu keselamatanku; aku percaya dengan tidak gementar, sebab TUHAN ALLAH itu kekuatanku dan mazmurku, Ia telah menjadi keselamatanku."
09.     Marende No. 691: 1-..”Hupasahat ma tu Jesus”
     (Laos pasahathon pelean tu Huria)
1.  Hupasahat ma tu Jesus saluhutna ngolungki, roha nang pam-bahenanku, saluhutna tingkingki.
Ref. Hupasahat ma tu Jesus, saluhutna diringki. Hupasahat ma tu Jesus saluhutna ngolungki.
2.  Pangkeonku ma tanganku, mangula lomoNa i, langka nang simanjojakhu mangihuthon Tuhanki. Hupasahat ma tu Jesus.....!
3.  Mauliate ma rohangku, ala au hinophopMi. Pujionku ma goarMu, salelenglelengna i. Hupasahat ma tu Jesus....!
Amen 3X diendehon.

Tidak ada komentar:

Poskan Komentar