Acara Pesta Hasuhuton Pembangunan Gereja HKBP Jeriko Tangkerang Ressort Sukajadi

“Tapuji ma Debata naung umpasupasuhon tu hita ragam ni pasupasu partondion sian banua ginjang marhite Tuhanta Jesus Kristus”

01.      Joujou tu Parsaoran na badia:

L:  Hamuna angka dongan sahaporseaon! Na marlas ni roha do hita sadari on di Pesta Hasuhuton Pembangunan Gereja HKBP Jeriko Tangkerang on. Na marningot do hita di denggan basa dohot asi ni roha ni Debata naung tajalo di ngolunta lumobi dinanilehonNa i inganan on bahen hajongjongan ni Gareja ingananta marsaor rap dohot Ibana. Ibana ma mangalehon dame, holong dohot las ni roha di hita mamulai sahat tu na paujunghon pestanta sadari on. Antong! Tapahohom ma rohanta manombahon pujipujianta tu Debata Pardenggan basa i. Tapabotohon ma tu Ibana las ni rohanta marhite na rap hita mangendehon: “Mari kita bersukaria hari ini......”

S:  Mangendehon: PBSR No. 880 “Mari kita bersukaria”

            1. Mari kita bersukaria (Hari ini) Kar’na ini hari bahagia (Kita berkumpul) Kita berkumpul jadi satu (Puji Tuhan) Puji Tuhan semesta itu (Haleluya) Tepuk tangan wajah berseri (Hilangkanlah) Hilangkanlah hati yang sedih (Yesus berkata) Bukankah Yesus berkata Damai yang dib’rikanNya, mari kita bersukaria.   .....Jongjong ma hita saluhutna.....

      2.  Marlas roha ma hita sude (Ari on) Ari hatuaon do nuaeng (Hita marpungu), mamuji Tuhanta Debata (Haleluya) Rap martopak, bohi pe minar (Unang marsak). Unang marsak ho jala tungki (Marlas roha). Padao ma arsak ni roham (Ai Tuhanta), ai Tuhanta mangalehon dameNa tu hita, marlas roha ma hita sude. 

02. Votum – Introitus - Tangiang:                        

L:   Marhitehite goar ni Debata Ama, AnakNa Tuhan Jesus Kristus dohot Tondi Parbadia. Amen. Martua ma bangso na marDebata-hon Jahowa, bangso na pinillit laho ainonNa. Martua ma bangso na umboto marolopolop, angka na marpangalaho dibagasan hatiuron ni bohiM, ale Jahowa.

H:  Olophon ma Jahowa, ale sandok tano on. Marolopolop ma hamu ale angka partigor, mangasahon Jahowa talup do marende angka na unjur marroha.

L:   Marolopolop tu Debata ma ho ale sandok tano on. Endehon hamu ma hamuliaon di goarNa, marmulia bahen hamu pujipujianNa. Dok hamu ma mandok Debata: Tung na songkal do angka pambahenanMu, binahen ni hinatimbul ni gogoM ingkon marsomba tu Ho angka musuM.

H:  Marolopolop tu Debata ma hita Ruas nang Parhalado HKBP Jeriko Tangkerang on angka na manghaholongi Ibana, ai naung dihalomohon Debata do pasonggophon harajaonNa i tu hita. Mandok mauliate ma hita tu Ibana, tapuji ma goarNa, marhite na rap hita mangendehon: “Marolopolop tondingki, ai naung ditobus Jesus i......! 

S:   Mangendehon: No. 435: 1 “Marolopolop tondingki”

Marolopolop tondingki ai naung ditobus Jesus i. Hamu sude begema i, sai las rohangku mandok i. Sonang ni tingki i, dung jumpang Jesus Tuhanki. TondiNa mangajari au, tarbaen marlas ni roha au, sonang ni tingki i dung jumpang Jesus Tuhanki.

L:   Martangiang ma hita: Ale Tuhan Debata, Amanami na di banua ginjang! Na mandok mauliate do hami nuaeng tu Ho, ala naung dijadihon Ho hami gabe bangsoM marhitehite panobusion ni AnakMu, Jesus Kristus Tuhannami. Dijou Ho do hami sian haholomon tu hatiuron marhite Barita Nauli i. Nuaeng hupatupa hami do Pesta Pembangunan Gareja di huriaM HKBP Jeriko Tangkerang on. Mansai godang do naung binasabasahonMu di hami dohot di masyarakatnami marhite haoojak dohot pangulaon ni HuriaMon. Sai urupi, tumpahi jala pasupasu ma ngolunami patulushon Pembangunan ni joroMon asa tung marolopolop situtu rohanami manghamauliatehon saluhut denggan ni basaM naung hujalo hami di ngolunami. Saluhutna hupangido hami tu Ho dibagasan goar ni anakMu Jesus Kristus Tuhannami. Amen. Hundul ma hita saluhutna

03. Marende No. 754: “Gok las ni roha do au di ngolungkon”

1. Gok las ni roha do au di ngolungkon, di ngolungkon, di ngolungkon, gok las ni roha do au di ngolungkon; tongtong di ngolungkon. Mauliate gok las ni roha maringan holongMi Tuhan di au, mauliate gok las ni roha, maringan holongMi Tuhan di au.

2.  Mardame jala sonang do ngolungkon, di rohangkon, di rohangkon. Mardame jala sonang do ngolungkon, tongtong di rohangkon. Mauliate gok las ni roha maringan holongMi Tuhan di au, mauliate gok las ni roha, maringan holongMi Tuhan di au.

04. Patik ni Debata: 5 Musa 2: 7b; 1 Raja 8: 56a; Heber 13: 16

L:   Tajaha ma Hata ni Debata di Pesta pembukaan Peresmian HKBP Maranatha Payung Sekaki na tapatupa sadari on, i ma na tarsurat di 5 Musa 2: 7a; 1 Raja-raja 8: 56a dohot Heber 13: 16, na mandok: “Ai nunga dipasupasu Jahowa, Debatam ho di saluhut ulaon ni tanganmu. Ibana do manarihon ho saleleng mardalan di halongonan na bolon”.

H:   Pinuji ma Jahowa, naung mangalehon hasonangan tu bangsoNa Israel, hombar tu sandok naung pinarbagaNa i.

S:   Alai unang ma lupa hita mambahen na denggan dohot mangulahon asi ni roha; ai dihalomohon Debata do angka pelean na songon i.

L:   Antong! Rap mangido gogo ma hita tu Tuhan Debata laho mangulahon hataNa Nabadia i.

S:   Ale Tuhan Debata, sai pargogoi ma hami mangulahon hataMi. Amen.

05. Marende : PBSR No. 28 “S’gala puji syukur – Nasa pamujion”

  1. S’gala puji syukur hanya bagiMu Tuhan, sebab Kau yang layak dipuja. Kami mau bersorak tinggikan namaMu. Haleluya.

       Ref. Soraklah haleluya, soraklah haleluya. Haleluya 2 X  

 2. Nasa pamujion tu Tuhanta ma pasahat, ai holan Ibana do Debata. Naeng endehononku Goar ni Tuhanki, haleluya.

       Ref. Somba ma haleluya, somba ma haleluya. Haleluya 2 X

06. Jamita:

07.  Marende No. 848: 1....“Dison adong huboan Tuhan”

       (Laos pasahathon Pelean tu Peresmian HKBP Maranatha).  

1. Dison adong huboan Tuhan, parbue ni ngolungku na so tardok nian, Sadia ma argana Tuhan molo sai nirajuman sude denggan basaM. Jalo ma Tuhan sai las ma rohaM.

2.  Dison adong huboan Tuhan, tondingku na girgir mangoloi di HataM. Pasaorhon ma HataM da Tuhan manogu tondingki mangihuthon lomoM. Jalo ma Tuhan sai las ma rohaM.

3.  Dison adong huboan Tuhan pamatang na hipas baen pelean di joloM. Sai pangke ma au on da Tuhan, na tau ulaulaM na hasea di joloM. Jalo ma Tuhan, sai las ma rohaM.

4.  Dison adong huboan Tuhan, hosa nang gogongki tau pelean di joloM. Patau pasingkop ma au Tuhan asa marguna au manghobasi huriaM. Jalo ma Tuhan, sai las ma rohaM.

5.  Dison adong huboan Tuhan arta sinamothon so sadia i nian. Parbadia ma i tung singkop asa ture sintong lao pauli HuriaM. Jalo ma Tuhan, sai las ma rohaM.

6.  Huingot do HataM da Tuhan, saor do pasupasu di halak na bojok. Asal ma disombahon Tuhan ngoluna i singkop baen pelean di joloM. Jalo ma Tuhan sai las ma rohaM

08. Tangiang Pelean – Ale Amanami – Pasupasu –

Amen 3X diendehon.

Acara Pesta di atur tersendiri!

Nadenggan situtu do na mamuji Jahowa dohot mangendehon goarMu, ale Natumimbul! Mamaritahon asi ni rohaM manogotnai dohot hasintonganMi bornginna i (Psalm 92: 2 – 3).

Lehetnai di atas ni angka dolok angka pat ni parbarita nauli, na patubegehon hadameon, na mamaritahon barita nauli, napatubegehon hatuaon, na mandok tu Sion:

Debatam do bangkit Raja (Jesaya 52: 7).